Written by 
တရုတ်နိုင်ငံသည် အီသိန်းနှင့် ထပ်ကျော့သုံး ကြေးနီ၊ အလူမီနီယမ်ကုန်ကြမ်းများကို နောက်နှစ်မှစ၍ သွင်းကုန်အခွန် ကို လျှော့ချပေးသွားမည်ဖြစ်ကြောင်း အစိုးရက စနေနေ့တွင် ပြောဆိုခဲ့သည်။
အရည်အသွေးမြင့် ထုတ်ကုန်များတင်သွင်းမှု တိုးမြင့်လာရေး၊ ပြည်တွင်းဝယ်လိုအား တိုးမြင့်လာစေရေးနှင့် အဆင့်မြင့် ကုန်ပစ္စည်းများတင်သွင်းမှုမြှင့်တင်ရေး ရည်ရွယ်၍ သွင်းကုန်ခွန်အမျိုးအစားအလိုက် ပြုပြင်ပြောင်းလဲမှုများသည် ဇန်နဝါရီ ၁ ရက်တွင် အသက်ဝင်မည်ဟု ဘဏ္ဍာရေးဝန်ကြီးဌာနက ကြေညာလိုက်ကြောင်းသတင်း ထုတ်ပြန်ချက်တွင် ဖေါ်ပြထားသည်။
လူကြိုက်အများဆုံးနိုင်ငံနှုန်းထားများအောက် ယာယီသွင်းကုန်အခွန်စည်းကြပ်မှု ၉၃၅ မျိုးကို ကျင့်သုံးသွားမည်ဖြစ်ကြောင်း ဝန်ကြီးဌာနက ပြောကြားခဲ့သည်။ အစိမ်းရောင်နှင့် ကာဗွန်ထုတ်လွှတ်မှုနည်းသော ဖွံ့ဖြိုးတိုးတက်မှု ကို တိုးတက်စေရန်အတွက် အီသိန်း၊ ထပ်ကျော့သုံး ကြေးနီနှင့် အလူမီနီယမ် ကုန်ကြမ်းများအပေါ် သွင်းကုန်အခွန် ကို လျှော့ချပေးမည်ဖြစ်သည်။
သကာရည်နှင့် သကြားပါ ရောစပ်မှုန့်များအပါအဝင် လူသုံးကုန်ပစ္စည်းများအပေါ် ကုန်စည်ခွန်တိုးမည်ဖြစ်သော်လည်း cyclic olefin polymer (cop) များ၊ အီသိုင်လင်း-ဗီနိုင်း အယ်လ်ကိုဟော ကိုပိုလီမာများကဲ့သို့ ကုန်ပစ္စည်းများနှင့် မီးသတ်ကား၊ ပြုပြင်ယာဉ်များကဲ့သို့ အထူးရည်ရွယ်ချက်သုံးယာဉ်များအတွက် အစိတ်အပိုင်းများအတွက် အခွန်ကိုလျှော့ချမည်ဖြစ်သည်။
တရုတ်-မော်လဒိုက် လွတ်လပ်သောကုန်သွယ်မှု သဘောတူညီချက်သည် ဇန်နဝါရီ ၁ ရက်တွင် စတင်အသက်ဝင်မည်ဖြစ်ပြီး အကောက်ခွန်လျှော့ချရေးကို အကောင်အထည်ဖော်မည်ဟု ဝန်ကြီးဌာနက ပြောဆိုခဲ့သည်။
Ref: The EDGE