Written by ပြင်းထန်သော အအေးဒဏ်ကြောင့် ရွေးကောက်ခံသမ္မတ ဒေါ်နယ်ထရမ့်ပ်၏ ကျမ်းသစ္စာကျိန်ဆိုပွဲကို တနင်္လာနေ့(ဇန်နဝါရီ ၂၀) တွင် ယူအက်စ် ကက်ပီတော်အဆောက်အအုံအတွင်းပိုင်း၌ ကျင်းပပြုလုပ်သွားမည်ဖြစ်ရာ ယင်းသို့ အဆောက်အအုံအတွင်း၌ ကျမ်ကျိန်ခြင်းသည် အမေရိကန်သမ္မတ ကျမ်းကျိန်ပွဲအခမ်းအနားကို နှစ် ၄၀ အတွင်း ပထမဆုံးအကြိမ်အဖြစ် ရုံတွင်းအခမ်းအနားတစ်ခုအဖြစ် ပြုလုပ်ရခြင်းဖြစ်သည်။ “ နိုင်ငံကို အာတိတ်လေအေးစီးကြောင်း ဝင်ရောက်နေတာကြောင့် လူတွေ ထိခိုက်တာမျိုး ဒဏ်ရာအနာတရဖြစ်တာမျိုး လုံးဝမဖြစ်စေလိုပါဘူး” ဟု ထရမ့်ပ်က သောကြာနေ့တွင် ၎င်း၏ Truth ဆိုရှယ်ပလက်ဖောင်းပေါ်၌ ပြောဆိုခဲ့သည်။ သို့ဖြစ်၍ ကျမ်းကျိန်မိန့်ခွန်းနှင့် အခြား ဆုတောင်းမှုများ၊ မိန့်ခွန်းပြောဆိုမှုအခမ်းအနားများအတွက် အမေရိကန်ပြည်ထောင်စု ကက်ပီတော် ရိုတန်ဒါ ခန်းမတွင် ပြုလုပ်ရန် အမိန့်ပေးခဲ့သည်ဟု ထရမ့်ပ်က ဆက်လက် ပြောကြားခဲ့သည်။ ပြင်းထန်သော အအေးဒဏ်ကြောင့် ရုံတွင်း ကျမ်းကျိန်ပွဲအခမ်းအနားကို […]
