Written by 
မန္တလေး , ဇန်နဝါရီ ၅ နိုင်ငံတော်စီမံအုပ်ချုပ်ရေးကောင်စီ၏ ၄-၁-၂ဝ၂၅ ရက်စွဲပါ အမိန့်အမှတ်၊ ၁/၂၀၂၅ အရ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌသည် (၇၇) နှစ်မြောက် လွတ်လပ်ရေးနေ့ အထိမ်းအမှတ်အနေဖြင့်လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူမှုရေးအရ ငဲ့ညှာထောက်ထားသောအားဖြင့်လည်းကောင်း၊ နိုင်ငံတော်၏မေတ္တာနှင့်စေတနာကို နားလည်စေရန်ရှေ့ရှုသောအားဖြင့်လည်းကောင်း ရာဇဝတ်ကျင့်ထုံးဥပဒေပုဒ်မ-၄၀၁(၁) အရ လွတ်ငြိမ်းသက်သာခွင့်ပြုသည့် အခမ်းအနားကို ယမန်နေ့နံနက် ၁၁ နာရီက မန္တလေး၊ အောင်မြေသာစံမြို့နယ်၊ အိုးဘိုရွှေကျင်ရပ်ကွက်ရှိ မန္တလေးဗဟိုအကျဥ်းထောင်ဓမ္မာရုံ၌ ကျင်းပပြုလုပ်သည်။ အခမ်းအနားသို့ မန္တလေးတိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးနေလင်းစိုး၊ မန္တလေးတိုင်းဒေသကြီး ရဲတပ်ဖွဲ့မှူး ရဲမှူးချုပ်ဝင်းဗိုလ်၊ မန္တလေးတိုင်းဒေသကြီးအကျဉ်းဦးစီးဌာန ညွှန်ကြားရေးမှူး ဦးချိုဝင်းထွန်း၊ အကျဉ်းထောင် တာဝန်ခံအရာရှိ ဒုတိယညွှန်ကြားရေးမှူး ဦးသိန်းဇော်မောင်၊ အောင်မြေသာစံခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဒေါက်တာအောင်ဆွေ၊ အောင်မြေသာစံခရိုင်ရဲတပ်ဖွဲ့မှူး ဒုတိယရဲမှူးကြီးစိန်ယု၊ အထူးစုံစမ်းစစ်ဆေးရေးဦးစီးဌာနမှ ဦးစီးအရာရှိ ဦးမောင်မောင်အောင်၊ ဒုတိယမြို့နယ်မီးသတ်ဦးစီးမှူး ဦးဇေကိုကိုပိုင်၊ […]
စစ်တပ်အာဏာသိမ်းပြီးနောက် အဖမ်းဆီးအထိန်းသိမ်းခံခဲ့ရပြီး အဂတိလိုက်စားမှုစွပ်စွဲချက်တွေနဲ့ အိုးဘိုထောင်မှာ ထောင်ဒဏ် ၂၈ နှစ် ကျခံနေရတဲ့ NLD အစိုးရလက်ထက်က လျှပ်စစ်ဝန်ကြီးဟောင်း ဦးဝင်းခိုင်ကို စစ်ကောင်စီက လွတ်ငြိမ်းသက်သာခွင့်ပေးလိုက်တယ်လို့ သူနဲ့နီးစပ်သူတဦးက ဗွီအိုအေကို အတည်ပြုပါတယ်။ လျှပ်စစ်ဝန်ကြီးဟောင်း ဦးဝင်းခိုင် ဟာလက်ရှိမှာ ကျန်းမာရေးမကောင်းလို့ အရေးပေါ် ဆေးဝါးကုသမှုခံယူနေရတယ်လို့ ပြောပါတယ်။ အခြေအနေ အသေးစိတ်ကိုတော့ ဆက်လက်စုံစမ်းနေဆဲရှိတယ်လို့ အဲဒီနီးစပ်သူကပြောပါတယ်။ NLD အစိုးရလက်ထက်က လျှပ်စစ်ဝန်ကြီးဟောင်း ဦးဝင်းခိုင်ဟာ စစ်ကောင်စီအာဏာသိမ်းပြီး ၂၀၂၁ ခုနှစ်၊ ဖေဖော်ဝါရီလမှာ ဖမ်းဆီးခံခဲ့ရကာသူ့ကို နိုင်ငံ့ဘဏ္ဍာငွေ ကျပ် ၆ ဘီလီယံခန့် နစ်နာမှုကြောင့်လို့ဆိုကာ ၂၀၂၁ ခုနှစ်၊ ဒီဇင်ဘာ ၈ ရက်က အဂတိလိုက်စားမှု တိုက်ဖျက်ရေးဥပဒေ ပုဒ်မ-၅၅ နဲ့ အမှုဖွင့်ပြီးနောက်စစ်ကောင်စီက ထောင်ဒဏ် ၂၈ နှစ် […]