Written by 
သျှမ်းပြည် တန့်ယန်းမြို့အတွင်း UWSA ‘ဝ’ တပ်သားတို့သည် စစ်ဝတ်စုံနှင့်လက်နက် အပြည်အစုံဖြင့် ပေါ်ပေါ်ထင်ထင် သွားလာလှုပ်ရှားနေကြောင်း စုံစမ်းသိရသည်။ တန့်ယန်းမြို့နယ်အတွင်းကို ‘ဝ’တပ်ဖွဲ့ UWSA က ပြီးခဲ့သည့် ၂၀၂၄ ခုနှစ် ဇူလိုင်လတွင် ဝင်ရောက် ထိန်းချုပ်ခဲ့ သည်။ ထိုသို့ ဝင်ရောက် ထိန်းချုပ်ပြီးနောက် လက်ရှိ တန်းယန်းမြို့အတွင်း၌ ‘ဝ’ တပ်သားများသည် စစ်ဝတ်စုံ၊ လက်နက် အပြည်အစုံတပ်ဆင်ကား ပေါ်ပေါ်ထင်ထင်သွားလာလှုပ်ရှားနေကြောင်း တန့်ယန်းမြို့အသက်၄၀ ဝန်းကျင် ဒေသခံတစ်ဉီးက သျှမ်းသံတော်ဆင့်ကိုပြောသည်။ “မြို့ထဲမှာတော့ “ဝ” စစ်သားတွေက ဝတ်စုံအပြည့်အစုံလက်နက်အပြည့်အစုံနဲ့ သွားသွားလာလာလုပ်နေတာ ဈေးထဲ ရပ်ကွက်ထဲမှာ မကျန်ပေါ့နေ့တိုင်းလိုလို မြင်နေရတယ်။ အရင်ကထက် ပိုရဲလာတယ်။ မြို့ထဲသွား လာနေတာ။”ဟု တန့်ယန်းမြို့ ဒေသခံအသက် ၄၀ ဝန်းကျင် အမျိုးသားတစ်ဦးက ပြောသည်။ […]
