Written by 
တိုင်းနှင့်ပြည်နယ်အလိုက် ခရိုင်ရုံးများတွင် ၂၀၂၄ ခုနှစ်၊ ဒီဇင်ဘာ ၂၇ ရက်အထိ မှတ်ပုံတင်ထားသည့် အမျိုးအစားအလိုက်မော်တော်ယာဉ်စာရင်း၌ လူစီး(Passenger) EV ကားစီးရေ (၆၁၆၆)စီးပါဝင်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာန၏ စာရင်းများအရသိရသည်။
ထို့ပြင် EV အသုံးပြုသည့် မှတ်ပုံတင်ထားသော ခရီးသည်တင်ကား(၃)စီးနှင့် ကုန်တင်ဝန်ပေါ့ (၂၂)စီးလည်းရှိသဖြင့် EV ကားစီးရေ (၆၁၉၁)စီးရှိကြောင်း သိရသည်။
ကုန်းလမ်းပို့ဆောင်ရေးညွှန်ကြားမှုဦးစီးဌာန၏ စာရင်းများအရ မှတ်ပုံတင်ထားသည့် ပုဂ္ဂလိကပိုင်ဖြစ်သော လူစီးကား(၅၁၉၅၉၇)စီး၊ ဌားရမ်းထားသည့် လူစီးကား(၈၇၇၀၇)စီး၊ ပိုင်ဆိုင်သောခရီးသည်တင်ကား(၂၀၃)စီး၊ ဌားရမ်းထားသောခရီးသည်တင်ကား(၂၄၀၁၅)စီး၊ ပိုင်ဆိုင်သော ကုန်တင်ဝန်ပေါ့ကား(၂၅၆၆၇၈)စီး၊ ဌားရမ်းထားသော ကုန်တင်ဝန်ပေါ့ကား(၁၁၁၂၁၃)စီး၊ ပိုင်ဆိုင်သော ကုန်တင်ဝန်လေးကား(၉၀)စီး၊ ဌားရမ်းထားသော ကုန်တင်ဝန်လေးကား(၄၅၇၃၇)စီး၊ ပိုင်ဆိုင်သောအခြားကား(၄၃၉၂)စီး၊ ဌားရမ်းထားသော အခြားကား(၈၃၄၃၂)စီး(စုစုပေါင်း ပုဂ္ဂလိကပိုင်ဆိုင်သောကား ၇၈၀၉၆၀ စီး၊ ပုဂ္ဂလိ ကမှဌားရမ်းထားသောကား ၃၅၂၁၀၄ စီး)ရှိကြောင်း သိရသည်။
ထို့ပြင် အစိုးရမှပိုင်ဆိုင်သော လူစီးကား (၂၅၇၆၂)စီး၊ ဌားရမ်းထားသောလူစီးကား(၅၁) စီး၊ ခရီးသည်တင်ကား(၁၉၁၈)စီး၊ ဌားရမ်းထားသောခရီးသည်တင်ကား(၅၉)စီး၊ ကုန်တင်ဝန် ပေါ့ကား(၈၀၂၀)စီး၊ ဌားရမ်းထားသော ကုန်တင်ဝန်ပေါ့ကား(၁၄)စီး၊ ကုန်တင်ဝန်လေးကား (၂၄၉၀)ကား၊ ဌားရမ်းထားသော ကုန်တင်ဝန် လေးကား(၂၇၇)စီး၊ အခြားကား(၁၁၇၇၃)စီး၊ ဌားရမ်းထားသော အခြားကား(၃၃၉)စီး (စုစု ပေါင်း အစိုးရပိုင်ကား ၄၉၉၆၃ စီး၊ အစိုးရမှဌားရမ်းထားသောကား ၇၄၀ စီး)ရှိကြောင်း သိရသည်။
ထို့ကြောင့် မှတ်ပုံတင်ထားသည့် ပုဂ္ဂလိကပိုင်နှင့်အစိုးရပိုင် လူစီးကား(၆၃၃၁၁၇)စီး၊ ခရီးသည်တင်ကား(၂၆၁၉၅)စီး၊ ကုန်တင်ဝန်ပေါ့ကား (၃၇၅၉၂၅)စီး၊ ကုန်တင်ဝန်လေးကား(၄၈၅၉၄) စီး၊ အခြားကား(၉၉၉၃၆)စီး(စုစုပေါင်း ၁၁၈၃၇၆၇ စီး)ရှိကြောင်း သိရသည်။
ထို့အတူ ဓာတ်ဆီအသုံးပြုသည့်ကား (၆၇၉၅၂၃)စီး၊ ဒီဇယ်အသုံးပြုသည့်ကား (၄၈၀၄၇၃)စီး၊ CNG အသုံးပြုသည့်ကား (၁၃၅၃၁)စီး၊ LPG အသုံးပြုသည့်ကား(၉၀)စီး၊ EV ကား(၆၁၉၁)စီး၊ HV အသုံးပြုသည့်ကား (၃၉၅၈)စီးရှိကြောင်း သိရသည်။