ဗောက်လောက်ရွက်သုပ်

မာမာ ဒီနေ့တော့ မာမာ့အိမ်မှာ အလေ့ကျ ပေါက်နေတဲ့ ဗောက်လောက်ရွက်လေးတွေခူးပြီး  ချဉ်ငံစပ်လေး သုပ်စားဖြစ်ပါတယ်။ ဒါကြောင့်မို့လို့ ထမင်းပူပူလေးနဲ့ အရမ်းလိုက်ဖက်လွန်းတဲ့အတွက် မာမာပြင်ဆင်ပြီး သုပ်ဖြစ်တဲ့ နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ

1. ဗောက်လောက်ရွက် – 
2. အာလူး –
3. မြေပဲလှော် – 
4. ကြက်သွန်နီ – 
5. ငရုတ်သီးစိမ်း – 
6. ငရုတ်သီး အလှော်မှုန့် –
7. ပဲအကျက်မှုန့် – 
8. ငါးငံပြာရည် – 
9. ကြက်သွန်ဖြူ ဆီချက် အဖတ် – 
10. ကြက်သွန်နီ ဆီချက် –  
11. အရသာမှုန့် – 
12. သံပုရာသီး – 
13. ပုဇွန်ခြောက်မှုန့် –

ပြင်ဆင်ပုံ

• ဗောက်လောက်ရွက်ရဲ့ အရင်းပိုင်း ရင့်နေတဲ့နေရာကို ဖယ်ပေးပြီး ရေစင်အောင် ဆေးပေးပါ
• အနေတော် အိုးတစ်လုံးထဲမှာ ရေခပ်များများလေး ထည့်ပြီး မီးဖိုပေါ်တင်ကာ ပွက်ပွက်ဆူအောင် တည်ပေးပါ
• ရေပွက်ပွက် ဆူလာတာနဲ့ ဗောက်လောက်ရွက်ကို ထည့်ပြီး မိနစ်ဝက်လောက်ထားကာ ရေ‌နွေးများ သွန်ပေးပါ
• ရေနွေးများသွန်ကာ ရေအေးနဲ့ဆေးပြီး ရေစစ်ပေးပါ
• ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
• ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
• အာလူးကို နူးအောင်ပြုပ်ပြီး အခွံခွာကာ မထူမပါးလေးတွေ လှီးထားပါ
• သံပုရာသီးကို ရေဆေးကာ ထက်ဝက်ခြမ်းထားပါ
• မြေပဲလှော်ကို မညက်တညက် ထောင်းထားပါ
• ကျန်သော ပါ၀င်ပစ္စည်းများကို အဆင်သင့် ပြင်ထားပါ
• အားလုံးအဆင်သင့် ဖြစ်တာနဲ့ ဇလုံကျယ်ကျယ်ထဲမှာ ဗောက်လောက်ရွက်များ အာလူး ကြက်သွန်နီ ငရုတ်သီးစိမ်း ပဲအကျက်မှုန့် ငရုတ်သီးမှုန့် အရသာမှုန့် ကြက်သွန်ဖြူ ဆီချက်ဖတ် ကြက်သွန်နီဆီချက် မြေပဲထောင်း ငါးငံပြာရည်နှင့် သံပုရာရည်တို့ထည့်ပြီး ခပ်ဖွဖွ နယ်ပေးပါ
• နယ်ဖတ်ပြီး အရသာ သမသွားပါက အရသာမြည်းပြီး မိမိစိတ်ကြိုက် လိုသလို ပြင်ပေးကာ ချဉ်ငံစပ် အသုပ်စုံလေးကို နှစ်သက်သလို စားသုံးနိူင်ပါပြီ။