Intel Core i9-14900KF ကို တရုတ်နိုင်ငံရှိ Overclocker တစ်ဦးက 9.12 GHz ဖြင့် ကမ္ဘာ့စံချိန်တင် Overclock လုပ်နိုင်ခဲ့

Image via TechSpot

HWBot ရဲ့ CPU Frequency chart အရ ဇန်နဝါရီလ ၁၂ ရက်နေ့အထိ ကမ္ဘာ့ Clock Speed အမြင့်ဆုံးစံချိန်ကို ပိုင်ဆိုင်ထားပြီး 9 GHz အထက်ကို ရောက်အောင် စွမ်းဆောင်နိုင်သူ တစ်ဦးတည်းကတော့ ElmorLabs က Jon “Elmor” Sandström ဆိုသူဖြစ်ပါတယ်။

Image via TechSpot

ဒါပေမဲ့ Elmor ရဲ့ အရင်စံချိန်ဖြစ်တဲ့ Intel Core i9-14900KS နဲ့ တင်ထားတဲ့ 9,117.8 MHz ကို တရုတ်အသုံးပြုသူ wytiwx က ကျော်ဖြတ်သွားခဲ့ပြီဖြစ်ပါတယ်။ Intel Core i9-14900KF နဲ့ wytiwx ကတင်ထားတဲ့ ကမ္ဘာ့စံချိန်သစ်ကတော့ 9,121.6 MHz ဖြစ်ပါတယ်။

Image via TechSpot

စံချိန်မှတ်တမ်းအရ wytiwx ဟာ သူ့ရဲ့စံချိန်အတွက် 16GB DDR5 RAM ပါတဲ့ Asus ROG Maximus Z790 Apex Motherboard ကို အသုံးပြုခဲ့တာဖြစ်ပါတယ်။

Integrated graphics မပါဝင်တဲ့ i9-14900KF မှာ E-core ၁၆ ခုလုံးကို ပိတ်ထားပြီး Hyperthreading ကိုလည်း ပိတ်ထားခဲ့တာကြောင့် P-core ၈ ခုနဲ့ Elmor ရဲ့စံချိန်ကို 4 MHz အသာနဲ့ ကျော်ဖြတ်နိုင်ခဲ့တာပါ။ အပူချိန် အလွန်နိမ့်တဲ့ ဟီလီယံအရည်(Liquid Helium) ကို အသုံးပြုကာ Overclock လုပ်ခဲ့တာဖြစ်ပြီး Core Voltage ကို 1.387V သတ်မှတ်ခဲ့ပါတယ်။

နောက်ထပ် ထူးခြားတဲ့အချက်တစ်ခုက wytiwx ဟာ သူ့ရဲ့စံချိန်အတွက် Windows 7 (6.1) Operating System ကို အသုံးပြုခဲ့တာပါ။

Image via TechSpot

Core i9-14900KF ဟာ Intel ရဲ့ ယခင် Raptor Lake-S Refresh အနွယ်ဝင်ဖြစ်ပြီး 13th-gen Raptor Lake Processor တွေလို Intel 7 Process (10nm-class node) နဲ့ တည်ဆောက်ထားတာဖြစ်ပါတယ်။

Intel ရဲ့ နောက်ဆုံးထွက်ရှိထားတဲ့ Arrow Lake Desktop Processor တွေကတော့ efficiency ကို အသားပေးဖန်တီးထားတာမို့ ဒီ Processor တွေထဲမှာ Clock Speed အမြင့်ဆုံးစံချိန်တစ်ခုက Elmor တင်ထားတဲ့  Intel Core Ultra 9 285K မှာ Liquid Helium ကို အသုံးပြုကာ Overclock လုပ်ထားတဲ့ 7,488.8 MHz ဖြစ်ပါတယ်။ Chip တွေရဲ့ Tile-အခြေခံ architecture က Extreme Overclocking ပိုင်းကို ပိုမိုရှုပ်ထွေးစေနိုင်တာကြောင့်ဖြစ်ပါတယ်။

Intel က ဒီနေ့မှာ ဒီနယ်ပယ်ကို လွှမ်းမိုးထားပေမဲ့ AMD က AMD FX-8350 နဲ့ ဆယ်စုနှစ်တစ်ခုကျော်  ကမ္ဘာ့အမြင့်ဆုံးစံချိန်ကို ပိုင်ဆိုင်ထားခဲ့ပါတယ်။ Elmor ဟာ ၂၀၁၂ ခုနှစ် အောက်တိုဘာလမှာ ဒေါ်လာ ၁၉၉ နဲ့ စတင်ရောင်းချခဲ့တဲ့ Bulldozer Chip ကို အဲဒီအချိန်က စံချိန်ဖြစ်တဲ့ 8,793.33 MHz အထိ ရောက်အောင် Overclock လုပ်နိုင်ခဲ့ပြီး အဲဒီစံချိန်ဟာ Elmor က ၂၀၂၂ ခုနှစ် အောက်တိုဘာလမှာ i9-13900K နဲ့ 8,812.85 MHz ကို ရောက်တဲ့အထိ တည်ရှိနေခဲ့ပါတယ်။ သူဟာ ဒီဇင်ဘာလမှာ အဆိုပါ Processor နဲ့ပဲ 9 GHz စံချိန်ကို ချိုးဖျက်နိုင်ခဲ့ပါတယ်။

Source: TechSpot