Written by 
ပဟေဠိဖြေဆိုနိုင်သူတွေကို Oppo ကုမ္ပဏီက Oppo အမှတ်တံဆိပ် ဖုန်းတွေပေးမယ်လို့ ဆိုလိုထားတဲ့ ပို့စ်တွေ ဖေ့စ်ဘွတ်အသုံးပြုသူတွေအကြား ပျံ့နှံ့နေတာဟာ သတင်းမှားသာဖြစ်တာတွေ့ရတယ်။
ပျံ့နှံ့မှုအားကောင်းနေတဲ့ ဖေ့စ်ဘွတ်ပို့စ်စခရင်ရှော့နဲ့ ပို့စ်ပါစာသားကောက်နုတ်ကို အောက်မှာ ကြည့်ပါ။
တူညီတဲ့ရေးသားမျှဝေမှုကို ဒီနေရာနဲ့ ဒီနေရာမှာလည်းတွေ့ရတယ်။
“Oppo ဖုန်းနောက်ဆုံးထွက်ဗားရှင်းကို ရယူရန် (98) မှလွဲ၍ အခြားနံပါတ်များကို ရှာဖွေပါ။
မှတ်ချက်- ယခုဖြေဆိုရန် ကိုယ်စားလှယ်လောင်း ၁၇၀ သာ ကျန်ရှိတော့သည်”
မူရင်းလင်ခ့် – Fb link | Archive link
စမတ်ဖုန်း ထုတ်လုပ်ဖြန့်ချိနေတဲ့ Oppo ရဲ့ တရားဝင်ဖေ့စ်ဘွတ်စာမျက်နှာမှာ ဒီလို ကြော်ငြာထားတာမရှိပါဘူး။ အခုလ ပဟေဠိဖြေဆိုနိုင်သူတွေကို Oppo ကုမ္ပဏီက Oppo အမှတ်တံဆိပ် ဖုန်းတွေပေးမယ်လို့ ဆိုလိုထားတဲ့ ဖေ့စ်ဘွတ်စာမျက်နှာတွေကို လေ့လာကြည့်ရာမှာ Oppo အမှတ်တံဆိပ်ကို အသုံးပြုပြီး ထင်ယောင်ထင်မှား ဆောင်ရွက်နေတဲ့ ဖေ့စ်ဘွတ်စာမျက်နှာတွေဖြစ်တာတွေ့ရပြီး ပြီးခဲ့တဲ့ ရက်အနည်းငယ်ကမှ စတင်ဖွင့်လှစ်ခဲ့ တာတွေ့ရပါတယ်။ ဒီစာမျက်နှာတွေဟာ စမတ်ဖုန်း ထုတ်လုပ်ရောင်းချတဲ့ Oppo ကုမ္ပဏီနဲ့ သက်ဆိုင်တယ်ဆိုတဲ့ အထောက်အထားလည်းမရှိပါဘူး။
ဒီလိုပဲ လူမှုကွန်ယက်မှာ ပဟေဠိဖြေဆိုနိုင်တဲ့သူတွေကို Iphone တွေ ပေးနေပြီ၊ ဆမ်ဆောင်းဖုန်းတွေပေးနေပြီ၊ တိုယိုတာကားတွေပေးနေပြီ ဆိုပြီးတော့လည်း ဖြန့်ဝေမှုတွေလည်းရှိခဲ့ပြီး အတုအယောင်ပြောဆိုချက် တွေဖြစ်ကြောင်း Fact Crescecndo Myanmar က အချက်အလက်စိစစ်ခဲ့ပါသေးတယ်။ ဒီလင့်ခ်နဲ့ ဒီလင့်ခ်တွေမှာ ကြည့်ပါ။
သုံးသပ်ချက်
ပဟေဠိဖြေဆိုနိုင်သူတွေကို Oppo ကုမ္ပဏီက Oppo အမှတ်တံဆိပ် ဖုန်းတွေပေးမယ်ဆိုတာ လိမ်လည်လှည့်စား ပြောဆိုချက်တွေသာဖြစ်တယ်။ ဒီလိုကြော်ငြာချက်ကို စမတ်ဖုန်း ထုတ်လုပ်ရောင်းချတဲ့ Oppo က ကြော်ငြာ ထားတဲ့ အထောက်အထားလည်း မရှိပါဘူး။