ရေးမြို့နယ်၊ အာယုတောင်ရွာ အုပ်ချုပ်ရေးမှူးရုံးကို ရေးဘီလူး အဖွဲ့ ဝင်ရောက် တိုက်ခိုက်၊ ပျူခေါင်းဆောင် ဗိုလ်ကြီးဟောင်း လင်းဦးနဲ့ အုပ်ချုပ်ရေးမှူး အပါအဝင် ထိခိုက်ဒဏ်ရာရရှိသူ များပြား

မွန်ပြည်နယ်၊ ရေးမြို့နယ်၊ အာယုတောင်ကျေးရွာ အုပ်ချုပ်ရေးမှူးရုံးကို ဝင်ရောက် တိုက်ခိုက်ရာ ပျူစောထီး ခေါင်းဆောင် ဗိုလ်ကြီးဟောင်း လင်းဦးနဲ့ အုပ်ချုပ်ရေးမှူး အပါအဝင် ထိခိုက်ဒဏ်ရာရရှိသူ များပြားတယ်လို့ သိရပါတယ်။မနေ့က နိုဝင်ဘာလ ၂၃ ရက်နေ့ နံနက် ၉ နာရီ ၄၅ မိနစ်ခန့်မှာ ရေးမြို့နယ်၊ အာယုတောင်ကျေးရွာ အုပ်ချုပ်ရေးမှူးရုံးကို ရေးဘီလူးအဖွဲ့က ဝင်ရောက် ပစ်ခတ် တိုက်ခိုက်ခဲ့ခြင်းဖြစ်တယ်လို့ သိရပါတယ်။

တိုက်ခိုက်မှုအတွင်း ရေးမြို့နယ်မှာ အင်အားကြီး ပျူခေါင်းဆောင်ဖြစ်တဲ့ ဗိုလ်ကြီးဟောင်း လင်းဦး ဒဏ်ရာပြင်းထန်ရရှိပြီး အုပ်ချုပ်ရေးမှူးနဲ့ အများအပြားလဲ ဒဏ်ရာရရှိသွားတယ်လို့ သိရပါတယ်။ရေးဘီလူးအဖွဲ့ဟာ ရေးမြို့နယ်အတွင်း စစ်တပ်နဲ့ ၎င်းတို့ထောက်တိုင်အုပ်ချုပ်ရေးမှူးများ၊ ပျူစောထီးများကို နှိမ်နင်းနေတဲ့အဖွဲ့ဖြစ်ပြီး စစ်မှုထမ်းကောက်ခံခြင်း၊ သန်းခေါင်းစာရင်းကောက်ခံမှုများ မပြုလုပ်ရဲအောင် ပြည်သူတွေကို ကာကွယ်ပေးနေတဲ့အဖွဲ့လဲဖြစ်ပါတယ်။