နွားထိုးကြီးမြို့နယ်ရှိ ပြင်စည်လျှပ်စစ်ဓာတ်အားခွဲရုံစစ်တပ်နဲ့ ကနားနယ်မြေရဲစခန်းတို့ကို ဒရုန်းနဲ့ ဗုံးကြဲတိုက်ခိုက်လို့ စစ်သား ၃ဦးသေဆုံး

မန္တလေးတိုင်း၊ မြင်းခြံခရိုင်၊ နွားထိုးကြီးမြို့နယ်ရှိ ပြင်စည်လျှပ်စစ်ဓာတ်အားခွဲရုံစစ်တပ်နဲ့ ကနားနယ်မြေရဲစခန်းတို့ကို ဒရုန်းနဲ့ ဗုံးကြဲတိုက်ခိုက်လို့ စစ်သား ၃ဦးသေဆုံးပြီး ၁ဦးထိခိုက်သွားကြောင်း Natogyi People Defence Force ထံက သိရပါတယ်။နိုဝင်ဘာလ ၂၇ရက် မနက် ၁၀နာရီခန့်မှာ မြင်းခြံခရိုင် နွားထိုးကြီးမြို့နယ် ပြင်စည်လျှပ်စစ်ဓာတ်အားပေးခွဲရုံမှာ တပ်စွဲထား‌တဲ့ စစ်တပ်နဲ့ ကနားနယ်မြေရဲစခန်းတို့ကို Shar Htoo Waw နည်းပညာဖြင့် ဗုံးသီး ၄လုံးစီ ကြဲချတိုက်ခိုက်ခဲ့ရာ စစ်သား ၃ဦးသေဆုံးပြီး ၁ဦးခြေထောက် ထိခိုက်သွားကြောင်း အတွင်းသတင်းမှ တဆင့်သိရှိခဲ့ရတယ်လို့ ဆိုပါတယ်။အဆိုပါ တိုက်ခိုက်မူ့ကို Natogyi People Defence Force မြင်းခြံခရိုင်အမှတ် (၄-၁၀)နဲ့ Myingyan District Drone Strike တို့မှ လုပ်ဆောင်ခဲ့တယ်လို့ သိရပါတယ်။