တနင်္သာရီတိုင်း ဒေသကြီးအတွင်း နှစ်ရှည်ဆီထွက်သီးနှံဆီ အုန်း ဧက(၄)သိန်းကျော် စိုက်ပျိုးထား

တနင်္သာရီတိုင်းဒေသကြီးအတွင်း နှစ်ရှည်ဆီထွက်သီးနှံဆီ အုန်းကို အဓိကထား စိုက်ပျိုးလျက်ရှိပြီး စိုက်ဧကအနေဖြင့် (၄) သိန်းကျော်ရှိပြီဖြစ်ကြောင်း မြိတ်ခရိုင် စိုက်ပျိုးရေးဦးစီး ဌာနမှ သိရသည်။

ဆီအုန်းသည် နှစ်ရှည်သီးနှံဖြစ်၍ နှစ်ပေါင်း (၃၀)အတွင်း စီးပွားဖြစ်ထုတ်လုပ်နိုင်ပြီး မြန်မာနိုင်ငံတွင် ဆီအုန်းကို ပြည်နယ်နှင့် တိုင်းဒေသကြီးများအနက် တနင်္သာရီတိုင်းဒေသကြီး တစ်ခုတည်းတွင်သာ စိုက်ပျိုးဖြစ်ထွန်းကြောင်း သိရသည်။

တနင်္သာရီတိုင်းဒေသကြီးအတွင်း ဆီအုန်းစိုက်ဧကအနေဖြင့် တစ်တိုင်းလုံးတွင် ၂၀၂၄ ခုနှစ် အောက်တိုဘာလကုန်အထိ (၃၉၅၇၇၂) ဧကရှိပြီး မြိတ်ခရိုင်အတွင်းမှာ (၆၁၀၃၈)ဧက စိုက်ပျိုးထားကြောင်း သိရသည်။

ထို့ပြင် တနင်္သာရီတိုင်းဒေသကြီးအတွင်း ဆီအုန်းစိုက်ဧက ပေါင်း (၃၉၅၇၇၂) ဧကရှိပြီး ဆီကြမ်းစက်ရုံများမှာ ထားဝယ်ခရိုင်တွင် (၁)ခု၊ မြိတ်ခရိုင်တွင်(၁)ခု၊ ဘုတ်ပြင်းခရိုင်တွ င်(၂)ခုနှင့် ကော့သောင်းခရိုင်တွင် (၂)ခု စုစုပေါင်း ဆီကြမ်းစက်ရုံ (၆)ခုသာရှိကြောင်း သိရသည်။

ယခုလက်ရှိတွင် ဆီကြမ်းစက်ရုံများသာရှိပြီး ဆီချောထုတ် လုပ်နိုင်သည့် စက်ရုံမရှိသေးသည့်အတွက် ကျန်းမာရေးနှင့်ညီညွတ်သည့် စားသုံးဆီရရှိရန် ဆီချောစက်ရုံတစ်ခုကို တနင်္သာရီတိုင်းဒေသကြီးတွင် တည်ဆောက်ရန် စီစဥ်ဆောင်ရွက်နေကြောင်း သိရသည်။