Nvidia App ကြောင့် Gaming စွမ်းဆောင်ရည်ကျဆင်းစေမှုကို ဘယ်လိုကုစားမလဲ

Image: NVIDIA

Nvidia Control Panel နဲ့  GeForce Experience ကို အစားထိုးဖို့ ရည်ရွယ်ထားတဲ့ Nvidia App ဟာ ပြီးခဲ့တဲ့လက full version အနေနဲ့ထွက်ရှိလာခဲ့ပြီး ခေတ်ပေါ် feature တွေကြောင့် ချီးမွမ်းမှုခံခဲ့ရပါတယ်။ ဒါပေမယ့် Nvidia App က PC ရဲ့  gaming စွမ်းဆောင်ရည်ကျဆင်းစေတယ်ဆိုပြီး အခုရက်ပိုင်းအတွင်း PC gamer ရဲ့ဝေဖန်မှုတွေထွက်ပေါ်လာခဲ့ပါတယ်။ Nvidia အနေနဲ့လည်း ဒီပြဿနာကို သတိပြုမိကြောင်းဆိုခဲ့ပြီး Nvidia App မှာပါဝင်တဲ့ “Game Filters and Photo Mode” ဆိုတဲ့ feature ကြောင့်လို့ဆိုပါတယ်။

နည်းပညာဝဘ်ဆိုဒ်တစ်ခုဖြစ်တဲ့ TechSpot က စွမ်းဆောင်ရည်ကျဆင်းမှုကိုတိုင်းတာဖို့အတွက် နောက်ဆုံးထွက်ရှိထားတဲ့ Nvidia App (11.0.1.184) နဲ့ GeForce drivers (566.36) ကို အသုံးပြုပြီး GeForce RTX 4070 Super GPU ကို Ryzen 7 7800X3D CPU၊ 32 GB DDR5-6000 memory တို့နဲ့ တွဲဖက်ထားတဲ့ PC မှာ စမ်းသပ်ခဲ့ရာမှာ ဂိမ်းတစ်ခုခြင်းအပေါ်မူတည်ပြီး ၃% ကနေ ၁၆% အထိ စွမ်းဆောင်ရည်ကျဆင်းစေကြောင်းတွေ့ရှိရတယ်လို့ဆိုပါတယ်။ စမ်းသပ်ချက်တွေအရ Game Filters and Photo Mode ပါဝင်တဲ့ GeForce Experience မှာတော့ အခုလိုစွမ်းဆောင်ရည်ကျဆင်းစေတာမျိုးတွေမရှိဘူးလို့ဆိုပါတယ်။

Image via TechSpot

အကယ်၍ သင်ဟာ Nvidia Graphics ကို အသုံးပြုပြီး ယခင်ထက် ဂိမ်းကစားရာမှာ စွမ်းဆောင်ရည်ကျဆင်းနေတယ်လို့ယူဆရင် Nvidia App ကို uninstall လုပ်စရာမလိုအပ်ပဲ သူ့ရဲ့ Settings ထဲက Game Filters and Photo Mode ကို disable လုပ်ကာ မူလစွမ်းဆောင်စွမ်းဆောင်ရည်ကို ပြန်ရအောင်ပြုလုပ်နိုင်တယ်လို့ဆိုပါတယ်။

Source: TechSpot