Vivek Oberoi नं का नाकारलेला शाहरुख खानचा ‘ओम शांति ओम’ सिनेमा? १७ वर्षांनी केला मोठा खुलासा

नुकत्याच दिलेल्या मुलाखतीत विवेकनं याबद्दल खुलासा केलाय.फराह खानच्या ओम शांती ओम सिनेमाची मला ऑफर आली होती. पण मी शूटआउट अॅट लोखंडवाला सिनेमाला आधीच होकार दिला होता आणि दोन्ही सिनेमांच्या तारखा एकच होत्या. त्यामुळं मी नकार दिल्याचं विवेकनं सांगितलं.

सई ताम्हणकरने गाजवलं २०२४! सिनेमा, सीरिज अन् OTTवर मराठमोळ्या अभिनेत्रीची हवा; बॉलिवूडमध्येही चर्चा
दोन्ही सिनेमांच्या तारखा क्लॅश झाल्या होत्या. दोन्ही सिनेमांमध्ये नकारात्मक भूमिका होत्या.शूटआउट अॅट लोखंडवाला सिनेमातली भूमिका मला आवडली होती. इतकंच नाही तर जेव्हा फराह खाननं मला या भूमिकेसाठी संपर्क केला तेव्हा मी या भूमिकेसाठी रिसर्च आणि अभ्यास सुरू केला होता, असंही विवेकनं म्हटलं.

या देशातही आहे बक्कळ प्रॉपर्टी, पण नेटवर्थच्या बाबतीत शाहरुखच्या तुलनेत बराच मागे आहे सलमान खान

तर दुसरीकडे ‘माया डोलस’ या भूमिकेची मी पूर्ण तयारी केली होती. या भूमिकेसाठी मुंबई पोलिसांना भेटलो होतो. भूमिकेसाठी इतकी तयारी केली असताना अचानक दुसरी भूमिका करणं, जमलंही नसतं आणि तारखा क्लॅश झाल्या होत्या,असा खुलासा विवेकनं केला.

जर शक्य असतं तर मी नक्कीच फराहच्या सिनेमालाही हो बोललो असतो.माझ्या कडे वेळ असता तर मी नक्कीच तो सिनेमा केला असता. फराहनं एक खूपच चांगला सिनेमा बनवला. असंही विवेक यावेळी म्हणाला.

विवेकच्या कामाबद्दल बोलायचं झालं तर गेल्या काही वर्षात त्यानं सिनेइंडस्ट्रीत फार काही काम केलं नाहीये. तो सध्या रिअल इन्स्टेट क्षेत्रात काम करतोय.