မန္တလေးမြို့ရှိ နဂါးနန်းတော် စိန်ရွှေရတနာဆိုင် ဓါးပြတိုက်ခံရ –

မန္တလေးမြို့ရှိ နဂါးနန်းတော်စိန်ရွှေရတနာဆိုင် ယနေ့နံနက် ၉ နာရီခန့်က ဓါးပြတိုက်ခံရပြီး ရွှေတစ်ပိဿာနှင့် ငွေများ ပါသွားခဲ့ကြောင်း သတင်းရရှိသည်။

ချမ်းအေးသာစံမြို့နယ် ၊၇၇လမ်း ၊  ၃၂လမ်းနှင့်၃၃လမ်းကြားရှိ နဂါးနန်းတော် စိန်ရွှေရတနာဆိုင်အား  နံနက် ၉နာရီခန့်က ဆိုင်ရှင်နှင့်ဝန်ထမ်းများ ၊လုံခြုံရေးများက  ဆိုင်ဖွင့်ရန်ပြင်ဆင်နေစဉ် သေနတ်ကိုင်ဆောင်လာသည့် အမျိုးသားနှစ်ဦး ရောက်ရှိလာပြီး ဓါးပြတိုက်သွားခြင်းဖြစ်သည်။

ကောင်တာအတွင်း ခင်းကျင်းထားသော ရွှေတစ်ပိသာခန့်နှင့်  ငွေသိန်းသုံးဆယ်ကျပ်ခန့်အား ယူဆောင်သွားကြောင်း စုံစမ်း သိရသည်။