Written by 
၂၀၂၅ ခုနှစ် (၇၇)နှစ်မြောက် လွတ်လပ်ရေးနေ့အထိမ်းအမှတ် ဝန်ကြီးဌာနပေါင်းစုံအားကစားပြိုင်ပွဲ လွန်ဆွဲ၊ ထုပ်ဆီးတိုး တတိယလုပွဲနှင့် ဗိုလ်လုပွဲယှဉ်ပြိုင်
နေပြည်တော် ဇန်နဝါရီ ၃
၂၀၂၅ ခုနှစ် (၇၇)နှစ်မြောက် လွတ်လပ်ရေးနေ့အထိမ်းအမှတ် အားကစားပြိုင်ပွဲများကျင်းပရေး ဆပ်ကော်မတီဥက္ကဋ္ဌ အားကစားနှင့် လူငယ်ရေးရာဝန်ကြီးဌာန ပြည်ထောင်စုဝန်ကြီး ဦးမင်းသိန်းဇံသည် တာဝန်ရှိသူများနှင့်အတူ ယနေ့နံနက်ပိုင်းတွင် နေပြည်တော် ဝဏ္ဏသိဒ္ဓိအားကစားကွင်းရှိ လေ့ကျင့်ရေးကွင်းအမှတ်(၁၊ ၂ နှင့် ၃)တို့၌ ကျင်းပလျက်ရှိသည့် ၂၀၂၅ ခုနှစ်၊ (၇၇) နှစ်မြောက် လွတ်လပ်ရေးနေ့အထိမ်းအမှတ် ဝန်ကြီးဌာနပေါင်းစုံ အားကစားပြိုင်ပွဲ လွန်ဆွဲ(အမျိုးသား၊ အမျိုးသမီး)၊ ထုပ်ဆီးတိုး (အမျိုးသမီး) တတိယလုပွဲနှင့် ဗိုလ်လုပွဲ ပွဲစဉ်များ ယှဉ်ပြိုင်နေမှုကို ကြည့်ရှုအားပေးသည်။
ဦးစွာ ထုပ်ဆီးတိုး(အမျိုးသမီး) တတိယလုပွဲတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနအသင်းက ဆောက်လုပ်ရေးဝန်ကြီးဌာနအသင်းကို ရမှတ် ၁၄ မှတ် ၆ မှတ်ဖြင့်လည်းကောင်း၊ ဗိုလ်လုပွဲတွင် နယ်စပ်ရေးရာဝန်ကြီးဌာနအသင်းက ပို့ဆောင်ရေးနှင့် ဆက်သွယ်ရေးဝန်ကြီးဌာန အသင်းကို ရမှတ် ၂၅ မှတ် ၅ မှတ်ဖြင့်လည်း ကောင်း ယှဉ်ပြိုင်အနိုင်ရရှိခဲ့သည်။
လွန်ဆွဲ(အမျိုးသမီး) တတိယလုပွဲတွင် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနအသင်းက ပြည်ထောင်စုရာထူးဝန်အသင်းကို (၂)ပွဲ (၁)ပွဲ ဖြင့်လည်းကောင်း၊ လွန်ဆွဲ (အမျိုးသား) တတိယလုပွဲတွင် အားကစားနှင့်လူငယ် ရေးရာ ဝန်ကြီးဌာနအသင်းက ကာကွယ်ရေးဝန်ကြီးဌာနအသင်းကို (၂)ပွဲပြတ်ဖြင့် လည်းကောင်း၊ လွန်ဆွဲ(အမျိုးသမီး) ဗိုလ်လုပွဲတွင် ကာကွယ်ရေးဝန်ကြီးဌာန အသင်းက အားကစားနှင့် လူငယ်ရေးရာဝန်ကြီးဌာန အသင်းကို နှစ်ပွဲပြတ်ဖြင့် လည်းကောင်း၊ လွန်ဆွဲ (အမျိုးသား) ဗိုလ်လုပွဲတွင် ပြည်ထဲရေးဝန်ကြီးဌာနအသင်းက နယ်စပ်ရေးရာ ဝန်ကြီးဌာနအသင်းကို နှစ်ပွဲပြတ်ဖြင့်လည်း ကောင်း ယှဉ်ပြိုင်အနိုင်ရရှိခဲ့သည်။
ပြိုင်ပွဲများအပြီးတွင် ဆုချီးမြှင့်ခြင်းအခမ်းအနားကို ဆက်လက်ကျင်းပရာ ထုပ်ဆီးတိုး (အမျိုးသမီး)ပြိုင်ပွဲတွင် ပထမဆုရရှိသော နယ်စပ်ရေးရာဝန်ကြီးဌာနအသင်း၊ ဒုတိယ ဆုရရှိသော ပို့ဆောင်ရေးနှင့်ဆက်သွယ်ရေး ဝန်ကြီးဌာနအသင်း၊ တတိယဆုရရှိသော စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာနအသင်း၊ စတုတ္ထဆုရရှိသော ဆောက်လုပ်ရေးဝန်ကြီးဌာနအသင်း၊ လွန်ဆွဲ (အမျိုးသား)ပြိုင်ပွဲတွင် ပထမဆုရရှိသော ပြည်ထဲရေးဝန်ကြီးဌာနအသင်း၊ ဒုတိယဆု ရရှိသော နယ်စပ်ရေးရာဝန်ကြီးဌာနအသင်း၊ တတိယဆုရရှိသော အားကစားနှင့်လူငယ် ရေးရာဝန်ကြီးဌာနအသင်း၊ စတုတ္ထဆုရရှိ သော ကာကွယ်ရေးဝန်ကြီးဌာနအသင်း၊ လွန်ဆွဲ(အမျိုးသမီး)ပြိုင်ပွဲတွင် ပထမဆုရရှိ သော ကာကွယ်ရေးဝန်ကြီးဌာနအသင်း၊ ဒုတိယဆုရရှိသော အားကစားနှင့်လူငယ် ရေးရာဝန်ကြီးဌာနအသင်း၊ တတိယဆုရရှိသော သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန အသင်းနှင့် စတုတ္ထ ဆုရရှိသော ပြည်ထောင်စု ရာထူးဝန်အသင်း တို့အား ပြည်ထောင်စုဝန်ကြီးများဖြစ်ကြသော ဒုတိယဗိုလ်ချုပ်ကြီး ထွန်းထွန်းနောင်၊ ဦးမင်းသိန်းဇံ၊ ဒုတိယဝန်ကြီးများနှင့် တာဝန်ရှိသူများက တစ်ဦးချင်းဆုတံဆိပ်နှင့် ငွေသားဆုများ ပေးအပ်ချီးမြှင့်ခဲ့ကြောင်း သိရသည်။