Written by 
ရန်ကုန်တိုင်း၊ တာမွေမြို့နယ်ရှိ ဗုဒ္ဓသာသနာပြုတက္ကသိုလ်နှင့် ဘုန်းတော်ကြီးကျောင်း(၄) ကျောင်းမှ သံဃာတော်များ၏ ကျန်းမာရေးစစ် ဆေးကုသမှုများကို ယနေ့ ဇန်နဝါရီ ၁၂ ရက်ကပြုလုပ်ပေးခဲ့ကြောင်း သိရသည်။
တာမွေမြို့နယ်၊ နတ်ချောင်းရပ်ကွက်တွင်ဖွင့်လှစ်ထားသည့် ဗုဒ္ဓသာသနာပြုတက္ကသိုလ်တွင်တက်ရောက်နေသော နိုင်ငံပေါင်းစုံမှသံဃာတော်များ၊ ဘုန်းတော်ကြီးကျောင်း(၄)ကျောင်းမှ သံဃာတော်များ(စုစုပေါင်း ၁၁၅ ပါး)ကို ကျန်းမာရေး စစ်ဆေး၍ လိုအပ်သောဆေးကုသမှုပေးခြင်း၊ ဆေးဝါးအကူအညီပေးခြင်းများပြုလုပ်ခဲ့ကြကြောင်း သိရသည်။
သံဃာတော်(၁၁၅)ပါးအား ကျန်းမာရေးစစ်ဆေးကုသမှုပေးခြင်းကို Tele-Medicin ပရဟိတဆရာဝန်များအဖွဲ့နှင့် လူမှုကူညီကယ်ဆယ်ရေးအဖွဲ့ချုပ်(ရန်ကုန်)၏ တာဝန်ရှိသူများက ဆောင်ရွက်ပေးခဲ့ကြခြင်းဖြစ်ကြောင်း သိရသည်။