မူဆယ်မြို့ ပြည်သူ့စစ်ဟန်ဆောင်ပြီး အမျိုးသမီးတစ်ဦး ပြန်ပေးဆွဲခံရ – သျှမ်းသံတော်ဆင့်

မြန်မာ-တရုတ်နယ်စပ် မူဆယ်မြို့တွင် ပြည်သူ့စစ်ဟန်ဆောင်ထားသော လက်နက်ကိုင်ဆောင်ထားသူ ၃ဦးသည် ကုန်စုံဆိုင် ပိုင်ရှင်အမျိုးသမီးကို ပြန်ပေးဆွဲသွားကြောင်း စုံစမ်းသိရသည်။

ယမန်နေ့ (ဇန်နဝါရီ ၁၈ ရက်)နေ့ ညနေပိုင်းတွင် မူဆယ်မြို့ ကောင်းမူးတုန်ရပ်ကွက် မီးသတ်ရုံအနီးရှိ ကုန်စုံဆိုင်ကြီးတစ်ဆိုင်ကို ပြည်သူ့စစ်ဟန်ဆောင်ထားသော အမျိုးသား(၃)ဉီးသည် လက်နက်ကိုင်ပြီးဆိုင်ပိုင်ရှင် အမျိုးသမီး ကို ပြန်ပေးဆွဲသွားခဲ့ကြောင်း မူဆယ်မြို့ ဒေသခံ အမျိုးသားတစ်ဉီးက သျှမ်းသံတော်ဆင့်ကိုပြောသည်။

” မနေ့က မင်္ဂလာမူဆယ်သွားလမ်း ကောင်မူးတုန်ရပ်ကွက် မီးသတ်ရုံး အနီးရှိ ကုန်စုံဆိုင်ကြီးတစ်ဉီးကို ပြည်သူ့စစ်လို ဟန်ဆောင်ဝတ်ထားတဲ့ အမျိုးသား၃ဦးဝင်လာတယ်။ အစတော့ ပစ္စည်းဝယ်မယ်ထင်နေတာ နောက် သေနတ်ထုတ် လက်ထိပ်ခတ်ပြီးဆိုင်ရှင်ကို ခေါ်သွားတယ်။ ဘေးက ဝန်းထမ်းတွေကလည်း တော်တော်လေး ကြောက်သွားတယ်” ဟု ၎င်းက ပြောသည်။

ပြန်ပေးဆွဲခံရသည့် ဆိုင်ရှင်အမျိုးသမီးသည် လက်ရှိအချိန်ထိ ပြန်မလွှတ်ပေးသေးကြောင်း သိရသည်။​

ပြီးခဲ့သည့် (ဒီဇင်ဘာလ ၂၁ ရက်) နေ့ မနက်ပိုင်း ၁၀နာရီခွဲ ဝန်းကျင်အချိန်တွင် ဆရာဝန် အမျိုးသမီးတစ်ဦးသည် မူဆယ်မြို့ ဟိုမွန်ရပ်ကွက်ရှိ နှင်းနှင်းဆံပင်ညှပ်ဆိုင်တွင် ခေါင်လျှော်နေစဉ် အမည်မသိအမျိုးသားတစ်ဦးက ကားရွေ့ပေးရန် ကားသော့ လာတောင်းရာတွင် ၎င်းဆရာဝန်၏ခါးကို သေနတ်ဖြင့်ချိန်ပြီးဓားပြတိုက် သွားကြောင်း သိရသည်။

လက်ရှိတွင် နိုင်ငံရေး အခြေနေအရ တရုတ်- မြန်မာ ကျားဖြန့်လုပ်ငန်းနှင့် ငွေလဲလှယ်သူများ၊ ဆိုင်ကြီးဖွင့်ထားသူ အနေဖြင့်လည်း သူခိုး ဓားပြများကိုလည်း သတိထားရမည်ဖြစ်ပြီး မူးဆယ်ဒေသခံ များက ပြောဆိုသည်။

မူဆယ်မြို့တွင် မကြာခဏ ဓားပြတိုက်နေသည့် သူများသည် အဖွဲ့လိုက်ရှိကာ အုပ်စုလိုက် လူအပြောင်းလဲ လုပ်နေကြကြောင်း၊ တစ်အုပ်စုတွင် ၁၀ ယောက် သို့မဟုတ် ၅ ယောက် အုပ်စုလိုက် ရှိနေတယ်ဟု မူဆယ်ဒေသခံက ပြောသည်။

မူဆယ်မြို့သည် တရုတ်နယ်စပ်မြို့ဖြစ်ပြီး လက်ရှိအချိန်ထိ တိုက်ပွဲမဖြစ်ပွားသေးသည့် ဒေသတစ်ခု ဖြစ်နေသေးကြောင်း သိရသည်။

အလုပ်သင် သတင်းထောက် နန်းဆိုင်ခမ်း ရေးသားသည်။