ရခိုင်ပြည်လွတ်မြောက်ရေးပါတီ ALP က သွေးထွက်သံယိုဖြစ်စေမည့်ကိစ္စများကို ရှောင်ရှားပြီး နိုင်ငံရေးကို နိုင်ငံရေးဆွေးနွေးမှုဖြင့် အဖြေရှာနိုင်ရေး ဆွေးနွေး

စစ်တွေ၊ နိုဝင်ဘာ ၁၉

ရခိုင်ပြည်လွတ်မြောက်ရေးပါတီ ဥက္ကဋ္ဌ စောမြရာဇာလင်းသည် အိန္ဒိယခရီးစဉ်မှအပြန် ရခိုင်ပြည်သို့ သွားရောက်ကာ အခက်အခဲကြုံတွေ့နေကြရသေ ာစစ်တွေအခြေစိုက် ရခိုင်၊ မူဆလင်၊ မာရာမာကြီးတို့နှင့်နိုဝင်ဘာလ ၁၃ ရက်နေ့မှ ၁၅ရက်အထိ သီးခြားစီခွဲ၍ တွေ့ဆုံကာ ရခိုင်လူထု ခံစားနေကြရသော စစ်၏အနိဋ္ဌာရုံများကို ဆွေးနွေးခဲ့ကြောင်း သိရသည်။

ထို့နောက် ရခိုင်ပြည်လွတ်မြောက်ရေးပါတီ၏ တပ်မှူး/တပ်ဗိုလ်များနှင့် နိုဝင်ဘာလ၁၆ ရက်နေ့မှ ၁၈ ရက်နေ့အထိ တပ်မှူး/တပ်ဗိုလ်များနှင့် တရင်းတနှီးဆွေးနွေးကြကာ ပါတီဆက်လက်လျှောက်လှမ်းမည့် နိုင်ငံရေးရည်မှန်းချက်များနှင့် ရခိုင်ပြည်နယ်တည်ငြိမ်းအေးချမ်းရေး၊ လူသားချင်းစာနာထောက်ထားမှု အကူအညီရရှိရေးကိစ္စရပ်များ ဆွေးနွေးခဲ့ကြောင်းသိရသည်။

ရခိုင်ပြည်လွတ်မြောက်ရေးပါတီ သည်NCA လက်မှတ်ရေထိုးထားသည့် ကတိအတိုင်မှန်ကန်စွာလျှောက်လှမ်းနေပြီး သွေးထွက်သံယိုဖြစ်စေမည့်ကိစ္စများကို မလုပ်ဆောင်ဘဲ နိုင်ငံရေးကို နိုင်ငံရေးဆွေးနွေးမှုဖြင့် အဖြေရှာနိုင်စေရေးကို ပါတီခေါင်းဆောင်များ/ တပ်မှူး/ တပ်ဗိုလ်များအား ရှင်းလင်းပြောကြားခဲ့ကြောင်း သိရသည်။

Join – https://t.me/MyanmarNationalPost