၂၀၂၄ ခုနှစ် မြန်မာနိုင်ငံ တရုတ်ဘာသာစကားသင်ကြားရေး တွေ့ဆုံပွဲကို ရန်ကုန်မြို့၌ ကျင်းပ

ရန်ကုန်၊ ဒီဇင်ဘာ ၂၃

မြန်မာနိုင်ငံ တရုတ်ဘာသာစကားသင်ကြားရေး တွေ့ဆုံပွဲကို ရန်ကုန်မြို့၌ ဒီဇင်ဘာလ ၂၀ ရက်နေ့တွင်ကျင်းပခဲ့ပြီး  မြန်မာနိုင်ငံဆိုင်ရာ တရုတ်သံရုံးမှသံမှူး Mr. Li Qianguo၊ မြန်မာနိုင်ငံဆိုင်ရာ တရုတ်သံရုံး ကောင်စစ်ရေးရာဌာန ဌာနမှူး Mr. Liu Xin၊ ရန်ကုန်တရုတ်ယဉ်ကျေးမှုစင်တာဌာနမှူး Mr. Xiang Jianbo၊ မန္တလေးမြို့ဖူချင့်ကွန်ဖြူးရှပ်စာသင်ကျောင်းမှ ကျောင်းအုပ် Mr. Li Zu qing ၊ မန္တလေးအင်းဝကိုယ်ပိုင်အထက်တန်းကျောင်း မှ ကျောင်းအုပ် Mr. Yang Zhou ၊  ရန်ကုန်မြို့ရှိ တရုတ်စာသင်ကျောင်းများနှင့် နိုင်ငံတကာစာသင်ကျောင်းများမှ ကိုယ်စားလှယ် ၆၀ ခန့် တွေ့ဆုံပွဲသို့ တက်ရောက်ခဲ့သည်။ 

တွေ့ဆုံပွဲအား မြန်မာနိုင်ငံဆိုင်ရာ တရုတ်သံရုံးမှ ကြီးမှူး၍ ရန်ကုန်မြို့တရုတ်ယဉ်ကျေးမှုစင်တာမှ စီစဉ်ကျင်းပပြီး မြန်မာနိုင်ငံရှိ တရုတ်ဘာသာစကားသင်ကြားရေး၏ ပကတိအခြေအနေမှန်ကို အခြေခံကာ မြန်မာနိုင်ငံရှိ တရုတ်ဘာသာစကားသင်ကြားရေးနှင့် ယဉ်ကျေးမှုဆိုင်ရာ ကူးလူးဖလှယ်မှုများ၊ ဒေသခံ တရုတ်ဆရာ ဆရာမများ ပြုစုပျိုးထောင်ပေးခြင်းများ၊ တရုတ်ဘာသာကျွမ်းကျင်မှုစာမေးပွဲ (HSK)၊ နိုင်ငံတကာ တရုတ်ဘာသာစကားသင်ကြာရေးအသိမှတ်ပြု လက်မှတ်များ၊ တရုတ်နိုင်ငံသို့ပညာတော်သင်သွားခြင်းဆိုင်ရာလမ်းညွှန်များ၊ လေ့လာမှုခရီးစဉ်များ၊ အမှတ်တံဆိပ်လှုပ်ရှားမှုအစီအစဉ် စသည့်အကြောင်းအရာများကိုဆွေးနွေးခဲ့ကြသည်။ 

အဆိုပါတွေ့ဆုံပွဲသို့ တက်ရောက်လာသူများသည် သက်ဆိုင်ရာ သင်ကြားရေးနှင့် ပညာရေးဆိုင်ရာ အတွေ့အကြုံများကို အခြေခံ၍ မြန်မာနိုင်ငံရှိ တရုတ်ဘာသာစကားသင်ကြားရေး ရေရှည်ဖွံ့ဖြိုးတိုးတက်မှုကို မြှင့်တင်ရန်အတွက် သက်ဆိုင်ရာများကို နက်ရှိုင်းစွာကူးလူးဖလှယ် ဆွေးနွေးခဲ့ကြသည်။

Join – https://t.me/MyanmarNationalPost