ထိုင်းနိုင်ငံ ချင်းမိုင်ခရိုင်တွင် လာမည် ၂၀၂၅ ခုနှစ် လုပ်ခလစာ တို့မြှင့်ပေးမည်

ထိုင်းနိုင်ငံ ချင်းမိုင်ခရိုင်တွင် ၂၀၂၅ ခုနှင်တွင် ရွှေ့ပြောင်းအလုပ်သမားများကို လုပ်ခလစာ တိုးမြှင့်ပေးမည်ဟု ထိုင်းအာဏာပိုင် ထုတ်ပြန်ကြေညာလိုက်သည်။

လာမည့် ၂၀၂၅ ခုနစ်အတွက် တစ်ရက်လုပ်အားခ အနိမ့်ဆုံး ၃၃၇ ဘတ်နှင့် အမြင့်ဆုံး ၄၀၀ ဘတ်အထိ သတ်မှတ်ထားကာ လာမည့် ၂၀၂၅ ခုနှစ် ဇန်နဝါရီလတွင် စတင် သက်ဝင် ကျင့်သုံးသွားမည်ဟု သိရသည်။

ထိုင်းနိုင်ငံသို့ တရားမဝင်ရောက်လာသည့် ရွှေ့ပြောင်းအလုပ်သမားများသည် တရားဝင်အထောက်အထား မရရှိသေးချိန်တွင် နေထိုင်စားသောက်ရေးအတွက် အလုပ်ရှင်ပေးသည့် နှုန်းဖြင့်သာ လုပ်ကိုင်နေရကြောင်း မြန်မာ အလုပ်သမားထံမှ သိရသည်။

ပြီးခဲ့သည့် ၂၀၂၀ ခုနှစ် ဇန်နဝါရီလတွင်လည်း ထိုင်းနိုင်ငံ အစိုးရသည် တစ်ရက်လုပ်အားခ တိုးမြှင့်ပေးမည်ဟု ထုတ်ပြန်ခဲသော်လည်း အချို့တော့ ပန်းရံလုပ်သားများသည် လက်ရှိအချိန်ထိ လုပ်အား ခံစားခွင့် မရရှိသေးကြောင်း ရွှေ့ပြောင်းအလုပ်သမားအရေး ဆောင်ရွက်နေသည့် အမျိုးသမီးတစ်ဉီးက သျှမ်းသံတော်ဆင့်ကိုပြောသည်။

“၂၀၂၀ ကတည်းက တိုးပေးမယ်ပြောတာပဲ တချို့တော့ ခံစားရတာပေါ့ ကျနော်တို့တော့ မခံစားရဘူး။ ပန်းရံလုပ်တာ နှစ်နဲ့ချီနေပြီ တခါတလေ အလိမ်တောင်ခံရတယ်။ အခုလည်း တိုးပေးမယ်လို့တော့ ကြားတယ် ခံစားရမလားတော့ မသိဘူး။ စောင့်ကြည့်ရအုန်းမှာပေါ့”ဟု ၎င်းက‌ ပြောသည်။

မြန်မာနိုင်ငံကနေ ထိုင်းနိုင်ငံသို့ တရားဝင်သူနှင့် တရားမဝင်သူများ နှစ်စဉ်နှင့်အမျှ ဝင်ရောက်ကြပြီး ၂၀၂၄ ခုနှစ်ထဲက အထောက်အထားမဲ့ မြန်မာနိုင်ငံသား မြောက်များစွာ ဝင်ရောက်သည့် နှစ်ဖြစ်ကြောင်း သိရသည်။

အလုပ်သင် သတင်းထောက် နန်းဆိုင်ခမ်း ရေးသားသည်။