Written by 
မာမာ ဒီနေ့တော့ ထမင်းစားလို့ မြိန်စေဖို့အတွက် ကင်းမုံသီးသနပ် Pointed Gourd Pickled လေး လုပ်ဖြစ်ပါတယ် အသီးနှံပေါချိန်မှာ အချဉ်တည်ပြီး ကြာရှည်ခံသိမ်းဆည်းကာ စားနိုင်တဲ့ သနပ်တည်နည်းလေး ဖြစ်ပါတယ်။
ဒါကြောင့်မို့လို့ ထမင်းမြိန်စေမဲ့ အရံဟင်းရံအဖြစ် စားသုံးနိူင်မဲ့ မာမာပြင်ဆင်ပြီး လုပ်ထားတဲ့ ကင်းမုံသီး သနပ်လုပ်နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ကင်းမုံသီး – 400 g
- မျှစ်ပြုပ်ပြီးသား – 200 g
- ခရမ်းချဉ်သီး အလုံးကြီးကြီး – နှစ်လုံး
- ငရုတ်သီး အရောင်တင်မှုန့် – ထမင်းစားဇွန်း နှစ်ဇွန်း
- ပဲနံ့သာစေ့ – လက်ဖက်ရည်ဇွန်း တစ်ဇွန်း
- မုန်ညင်းစေ့ – လက်ဖက်ရည်ဇွန်း တစ်ဇွန်း
- မန်ကျည်းသီးမှည့် – ထမင်းစားဇွန်း နှစ်ဇွန်းစာ
- ပျဉ်းတော်သိမ်းရွက် – တစ်ခက်
- ကြက်သွန်ဖြူ – အမွှာကြီးကြီး ဆယ်မွှာ
- ငရုတ်သီးစိမ်း – ဆယ်တောင့်
- ဆား – လက်ဖက်ရည်ဇွန်း ဇွန်းတဝက်
- အရသာမှုန့် – လက်ဖက်ရည်ဇွန်း တစ်ဝက်သာသာ
- ဆီ – လိုသလောက် သုံးပေးပါ
- ဆား – ထမင်းစားဇွန်း တစ်ဇွန်း (ကင်းမုံသီးဆေးရန်)
ပြင်ဆင်ပြုလုပ်ပုံ
- ကင်းမုံသီးကို ရေဆေးသန့်စင်ပြီး ထုထားပါ (သို့မဟုတ်) ခပ်စောင်းစောင်း လှီးဖြတ်ပေးထားပါ
- ပြီးတာနဲ့ ဆားဖြင့်နယ်ပြီး ရေစင်အောင်ဆေးကာ ရေစစ်ထားပါ
- ခရမ်းချဉ်သီးကို ရေဆေးပြီး ခပ်သေးသေး အစိတ်လေး လှီးပေးကာ ရေမြုပ်အောင်ထည့်ပြီး ရေခမ်းရုံလေး ပြုပ်ထားပါ
- မန်ကျည်းမှည့်ကို ရေဆေးပြီး ရေနွေးနှင့် စိမ်ထားပါ
- ပဲနံသာစေ့နှင့် မုန်ညင်းစေ့ကိုလှော်ပြီး ကြိတ်ထားပါ
- ပျဉ်းတော်သိမ်းရွက်ကို ရေဆေးပြီး ရေစစ်ကာ အရွက်ခြွေထားပါ
- ငရုတ်သီးစိမ်းကို ရေဆေးပြီး အညှာခြွေကာ ရေစစ်ထားပါ
- ကြက်သွန်ဖြူကို အခွံခွါပြီး ရေဆေးကာ ရေစစ်ထားပါ
- အားလုံးအသင့် ဖြစ်ပါက အိုးထဲတွင် ဆီထည့်ပြီး အပူပေးပါ
- ဆီပူလာပါက မီးအနည်းငယ်လျှော့ပြီး ငရုတ်သီး အရောင်တင်မှုန့် ပျဉ်းတော်သိမ်းရွက်နှင့် ပဲနံသာစေ့ မုန်ညင်းစေ့အမှုန့်တို့ကို ထည့်ပေးပြီး ဆီသပ်ပေးပါ
- ဆီသပ်နံ့ မွေးလာပါက ပြုပ်ထားသော သောခရမ်းချဉ်သီးကို ထည့်ပြီးအနှစ်ကျကာ ကျေလာအောင် ချေပေးပါ
- ခရမ်းချဉ်သီးများ ကျေလာပါက ကြော်ထားသော ကင်းမုံသီးနှင့် မျှစ်တို့ကို ထည့်မွှေပေးပါ
- ပြီးတာနဲ့ အရသာမှုန့်နှင့် ဆားထည့်ပြီး သမအောင် မွှေပေးကာ မျှစ်နှ့ ကင်းမုံသီးမျာ ကျက်အောင် ချက်ပေးပါ
- မျှစ်နှင့် ကင်းမုံသီးများ ကျက်တော့မှ မန်ကျည်းသီးမှည့် အနှစ်ကို ထည့်ပေးပါ
- ပြီးတော့မှ ကြက်သွန်ဖြူနှင့် ငရုတ်သီးစိမ်းကို ထည့်မွှေပေးကာ အရသာ မြည်းပေးပြီး မိမိစိတ်ကြိုက် အရသာ ရလာအောင် ပြင်ပေးပါ
- ဆီပြန်လာပါက မီးပိတ်ပေးပြီး မီးဖိုပေါ်မှ ဖယ်ပေးကာ အအေးခံထားပါ
- လုံးဝအေးသွားလျှင် သန့်ရှင်းခြောက်သွေ့သော ပုလင်းထဲမှာ ထည့်ပေးထားပါ
- ပုလင်းကို အဖုံးလုံအောင် ပိတ်ပေးကာ ရေခဲသေတ္တာထဲတွင် သိမ်းဆည်းထားပါ
- မိမိ စားသုံးလိုပါက ဇွန်းသန့်သန့်ဖြင့် ခပ်ယူကာ စားသုံးပါက သုံးလခန့် သိမ်းဆည်းထားနိုင်ပါတယ်
- ကင်းမုံသီး သနပ်လေးကို ထမင်းဖြူနှင့်ဖြစ်စေ ပလာတာ တိုရှည် ပူရီတို့နှင့် တွဲဖက်ကာ စားသုံးနိူင်ပါပြီ။